CCA (Clarity, Creativity, Action) Մեթոդի Միջազգային Ակադեմիա Փախստականների հետ աշխատող մասնագետների համար
Սիրով հրավիրում ենք մասնագետների՝ մասնակցելու մասնագիտացված CCA Մեթոդի Միջազգային Ակադեմիային, որը տեղի կունենա 2024 թվականի դեկտեմբերի 10-12-ը Աբովյանում։ Դասընթացը նախատեսված է սոցիալական աշխատողների, հոգեբանների, արտ թերապևտների և այլ մասնագետների համար, ովքեր աշխատում են փախստականների հետ կամ աջակցում վերջիններիս։
Մանրամասները՝
- ժամանակահատված: 2024թ. դեկտեմբերի 10-12
- Վայր: Աբովյան, Հայաստան
- Արժեք: Անվճար
Աշխատանքային լեզուն: Հայերեն
Այս համապարփակ ուսուցումը ղեկավարելու են Հայկական հոգեվերլուծական ասոցացիայի անդամ, կլինիկական հոգեբան, պաթոհոգեբան և ադիկտոլոգ Անուշ Ճենտերեճյանը, ով մասնագիտացած է կախվածությունների և տրավմաների հետ աշխատանքի և դրանց հաղթահարման ոլորտներում, ինչպես նաև Ֆինլանդիայից և Իտալիայից հրավիրված էքսպերտները։
Մասնակիցները ձեռք կբերեն առաջադեմ գիտելիքներ CCA մեթոդի կիրառման մասին, որը նպատակ ունի աջակցել խոցելի խմբերին՝ ներառյալ փախստականներին։
Հավաստագիր ստանալու համար մասնակիցները պետք է՝
- Մասնակցեն Միջազգային Ակադեմիային 2024 թվականի դեկտեմբերի 10-12-ը։
- 2025 թվականի փետրվարից ապրիլն ընկած ժամանակահատվածում անցկացնեն 15-ժամյա ուսուցում՝ առնվազն 15 փախստականներից կազմված խմբի հետ՝ կիրառելով դասընթացի ընթացքում ստացած գիտելիքները։
Կարևոր է իմանալ.
- Տեղերը սահմանափակ են (ընդամենը 15-ը)
- Ուսուցումն անվճար է
- Հավաստագիր տրամադրվելու է միայն այն մասնակիցներին, ովքեր հաջողությամբ կհաղթահարեն երկու փուլերը միասին:
How to Apply/Ինչպես դիմել: Fill out the registration form https://b24-hiozxe.bitrix24site.ru/crm_form_5gpko/